.

.
.

Friday, August 28, 2009

ஆத்மா (7)

வ‌ணக்கம் நண்பர்களே, இந்த நயமான வேளையிலே நியாயமாக‌ பார்த்தால் இப்படிப் பதிவெல்லாம் வெளியிட்டு பயமுறுத்தக்கூடாதுதான்! என்ன செய்வது? "எங்கே மர்மக்கதை?", "எங்கே மர்மக்கதையின் தொடர்ச்சி?" என தொடர்ந்து வேண்டுகோள் விடுக்கும் நண்பர்களின் அன்புக்கு கட்டுப்பட்டு இது போன்ற கொடுமைகளை புரிய வேண்டிய காலத்தின் கட்டாயத்தில் நாம்:)))). ஆகவே மனதை திடப்படுத்திக்கொள்ளுங்கள்,(வேற வழி:( ,நல்லது நீங்கள் ஆவ‌லோடு எதிர்பார்க்கும் :( ஆத்மாவின் 7 ம் பாகம் இதோ உங்களுக்காகவே பிரத்தியேகமாக பயமுறுத்தும் பதிவுகளாக தொடரும் மர்மம்...

அதற்கு முன்பதாக கவிதை மனங்களுக்கு சில வரிகள் ...

இன்னும் ஆண்களுடையதாகவே இருக்கும்
இந்த உலகத்தில்
எங்கும் ஆபத்தும் தொல்லையும்
இங்கு ஒவ்வொரு வளைவிலும்
அபத்தமான மோதல்களின்
திடீர்த் தாக்குதல்கள் காத்திருக்கும்...
தெருக்களின் பகைமைக் கண்கள்
அவளை நிலைகுத்தி நிற்கச் செய்யும்..
சாலையில் தனியாக இந்தப் பெண்

அவளது ஒரே பாதுகாப்பு
அவளது பாதுகாப்பற்ற நிலைதான்..
எந்தவொரு மனிதனையும்
ஒரு ஊன்றுகோலாகவோ அல்லது
பாதையோரத் தங்குமிடமாகவோ
அவள் பயன்படுத்திக் கொன்டதில்லை

எந்த ஒரு மனிதனையும்
அவள் பாலமாக பாவித்து
அவன்மீது நடந்து சென்றதில்லை...
அவள் தனியாகவே சென்றாள்...
அவனை அவளுக்கு சமதையாச் சந்திக்க
அவனை உண்மையாக நேசிக்க ...
அவள் வெகுதூரம் செல்வாளோ
அல்லது மண்ணில் தள்ளாடிச் சரிவாளோ
அல்லது தனக்குத் தெரியாத தொடுவானங்களால்
தடுமாறிப் போவாளோ அவளுக்குத் தெரியாது....
அவள் பிடிவாதக்காரி வழியில்
அவளை யாரேனும் கண்டித்தாலும்கூட
அவள் புறப்பட்டுச் சென்றதே ஒரு சாதனைதான்...

"சாலையில் தனியாக ஒரு பெண்‍"
ப்ளாகா டிமிட்ரோவோ

ஓய்ந்துவிட்ட‌ வேளைக‌ளிலும் ஓயாத‌ நினைவுக‌ளோடும் வாழ்க்கை ச‌ம‌ர்க‌ளோடும் ச‌மாதான‌ம் தேடித் தொடரும் ஒரு சராசரிப்பெண்ணின் சோகம் சூழ்ந்த‌ ப‌ய‌ண‌ம், ந‌ம‌க்கு மிக‌வும் பிடித்த‌ இந்த‌ க‌விதை/கவுஜ‌ யாருடைய‌ உப‌ய‌ம் தெரியுமா ந‌ண்ப‌ர்க‌ளே ? ந‌ம‌து ந‌ண்ப‌ர்க‌ள் வ‌ரிசையில் லேட்டா‌க‌ வ‌ந்தாலும், லேட்ட‌ஸ்டாக "வெட்‌க‌ம்! வெட்க‌ம் க‌மீங்!" என‌ ஒரு முழும‌தி முக‌ம் ம‌றை‌த்து நாணுகிற‌தே அந்தக் கவிதாயினியின் அன்பளிப்புத்தான்! த‌‌ம‌து ஈர‌மான‌ நினைவுக‌ளால் ந‌ம‌து இத‌ய‌த்தில் இட‌ம்பிடித்த‌ கவிக்குயில் புனிதா! ந‌ம‌து அன்பையும், வ‌ர‌வேற்பையும் தோழிக்கு புல‌ப்ப‌டுத்திக் கொன்டு இன்றைய‌ ப‌திவுக்குள் இணைய‌லாம் வாருங்க‌ள்...
**************************************************

முகலாய மன்னர் ஷாஜஹான் மற்றும் பேகம் மும்தாஜின் காதல் சின்னமாக விளங்கும் தாஜ்மஹால் பற்றி எல்லோரும் அறிவார்கள்.மும்தாஜின் உடல் அடக்கம் செய்யப்பட்ட இடம்தான் ஆக்ராவில் இருக்கும் தாஜ்மஹால் என்பது பலருக்கும் தெரியும். ஆனால் தாஜ்மஹால் கட்டுவதற்கு முன்பு வரை மும்தாஜின் உடல் புர்ஹாம்புரில் உள்ள புலாரா மஹாலில் தான் இருந்தது என்பது ஒரு சிலருக்கு மட்டுமே தெரியும்.மேலும், இந்த புலாரா மஹாலில் தான் மும்தாஜின் ஆவி உலவுவதாகவும் அங்குள்ள மக்கள் கூறுகின்றனர்.

தாஜ்மஹால் கட்டி முடிக்கப்பட்டதும், மும்தாஜின் உடல் அங்கு கொண்டுவரப்பட்டது. மும்தாஜின் உடல் மட்டுமே புலாரா மஹாலில் இருந்து தாஜ்மஹாலுக்கு கொண்டுவரப்பட்டது. ஆனால் மும்தாஜின் ஆவி இன்னமும் புலாரா மஹாலில் தான் உலாவிக் கொண்டிருக்கிறது என்று அங்கு வாழும் மக்கள் கருதுகின்றனர்.

புலாரா மாளிகையில் இருந்து அவ்வப்போது சத்தங்களும், கத்துவது போன்றும், அலறுவது போன்றும் சத்தங்கள் வருவதாகவும், ஆனால் அந்த ஆவி இதுவரை யாரையும் துன்புறுத்தியது இல்லை என்றும் அங்கு வாழும் மக்கள் கூறுகின்றனர்.
http://tamil.webdunia.com/religion/believeitornot/article/0811/10/1081110072_1.htm

*************************************************

இந்த பூவுலகின் நீண்ட நெடிய வாழ்க்கைப்பயணத்தில், நாம் கடந்து செல்லும் காலம் அத்தனையும் இனிமை சுமந்த வசந்த காலங்களாகவே வாய்த்து விடுவதில்லையே! அதிலும் விளிம்பு நிலை மனித வாழ்க்கை என்பது வறுமை, சோகம், ஏமாற்றம், ஏக்கம் ஆகியன சூழ்ந்ததோர் பாலைவனப் பிரயாணத்திற்கு ஈடான துயரையே தாங்கிவந்து, வாழ்க்கை எனும் பேரில் மனித உயிர்களை வாட்டி வதைக்கிறது!

சுசியின் வாழ்க்கையும் ஏற‌க்குறைய அந்த‌ நிலையை ஒத்தவாறே அமைந்திருந்தது, எனினும் அவர் தனது மனதை திடப்படுத்திக்கொன்டு, வாழப் பழகியிருந்தார், ஆரம்பக் காலங்களில் மன உளைச்சலுக்கு ஆளாகி அவரது கணவரிடம் அந்த வீட்டில் நிகழும் அமானுக்ஷ்யத்தின் ஆர்ப்பாட்டங்களை அவர் விவரித்த போது அவர் கணவர் அவர் சொல்வதை ஏற்காததோடு, பதிலுக்கு அவரை திட்டித்தீர்த்தார். ஏனென்றால் அவருக்கு அதிலெல்லாம் நம்பிக்கை கிடையாது! "நாமே பெரிய பேய், நம்மை மிரட்ட வேறு பேயா?" எனும் வீரமான சிந்தனை அவருக்கு!

இந்த சுசியின் கணவர் இருக்கிறாரே, அவருக்கு தன் மனதில் தான் பெரிய வீரர் எனும் நினைப்பு! அஜானுபாகுவான முரட்டுத் தோற்றமும் ,அவர் வாய்திறந்து பேசினாலே, "என்ன சண்டையா? என அருகிலுள்ளோர் விசாரிக்கும் வண்ணம் அமைந்த அவரது இடியோசை குரலும் அவருள் அப்படியான ஒரு மமதையை ஏற்படுத்தியிருந்தது நிஜமே!, ஆள் பார்ப்பதற்கு வீர‌மானவராகக் காட்சியளிப்பது என்னவோ உண்மைதான், ஆனால்... (இவர் வீரத்தின் லட்சணத்தை நாம் அடுத்துவரும் பதிவுகளில் காண்போம்)
சுசியை பொறுத்தமட்டில் அவர் குழந்தைகளுக்கு எந்த ஆபத்தும் நிகழ்ந்துவிடக்கூடாதே எனும் அச்சம் ஒன்றே அவரை மிகவும் கவலையில் ஆழ்த்திகொன்டிருந்தது, அவர் நினைத்ததைப்போலவே வெகு விரைவில் ஒரு துயரம் அவரை தேடிவந்தது...

சுசியின் இரண்டாவது பெண்குழந்தை மூன்று வயது மணிமொழி, மிகவும் சுட்டியான பெண், குட்டையாய், குண்டாய், கதுப்பான கன்னங்களும், சிமிழ் உதடும், பெரிய கண்களோடு, சின்ன மூக்குமாக ஒரு அழகிய குட்டி தேவதையாய் அந்த வீட்டில் அவள் வளைய வந்து கொன்டிருந்தாள்!

அவளது போறாத காலம்! சிவாவின் கொலை வெறிப்பார்வை அவளை நோக்கிப் பாய்ந்தது! ஏற்கனவே அவள் அவனது சகோதரிகளை ஒத்த வயதுடைய பெண் என்பதாலும் அவனுக்கு அவளை விரைந்து பலிகொள்ளும் எண்ணம் தீவிரமடைந்தது! சரியான சமயம் நோக்கிக் காத்திருந்தவனுக்கு, ஏதோ ஒரு சந்தர்ப்பத்தில் அதற்குரிய வாய்ப்பு சித்திக்க, சிறிதும் தாமதியாது அவளை தனது கட்டுப்பாட்டுக்குள் கொன்டுவந்தான்!
மணிமொழியின் நடவடிக்கைகளில் பெருத்த மாற்றம்! சுறு சுறுப்பை இழந்து சோர்ந்து காணப்பட்ட அவ‌ள் சூன்யத்தை வெறித்த பார்வையோடு, சுயத்தை இழந்து யாரிடமும் பேசாது, முன்பு சிவாவின் படுக்கை அமைந்திருந்த அந்த மூலை இடுக்குக்குச் சென்று சுருண்டு படுத்துக்கொள்ளலானாள்! சொந்தமாக மழலை மொழியில் யாருடனோ பேசி, அழுது, சிரித்து, அடம்பிடித்து, வீட்டிலுள்ளவர்களுக்கு கிலி பிடிக்கச் செய்தாள்!

சுசிக்கு வேதனை தாளவில்லை! வீட்டு வேலையெல்லாம் போட்டது போட்டபடியே விட்டுவிட்டு குழந்தைக்கு பக்கத்தில் அமர்ந்தவாரே கண்களில் நீர்வழிய வீடுதிரும்பும் கணவனுக்காக வேதனையோடு வாசல் நோக்கிக் காத்திருக்கலானார்.வேதனை! வேதனை! வேதனை என வாழ்க்கையே வேம்பாய் வெறுத்துக் கசந்தது அவருக்கு! தன‌க்கென வரும் துயர்களை தாங்கும் தாய் மனது, தனது மக்களுக்கு ஒரு துன்பம் என்றால் எப்படி நில‌லகுலைந்து போய்விடுகிறது? பாவம் சுசி! எண்ணச்சுழலில் சிக்கி சற்றே தனை மறந்தார்! திடீரென தனது பிரமையிலிருந்து மீண்ட அவர் அருகில் அவர் குழ‌ந்தையைக் காண‌வில்லை! அடித்து பிடித்து எழுந்து மணி‌மொழி! மணிமொழி என உரக்க அழைத்தவாரே வீடு முழுக்க குழந்தையைத்தேடினார் சுசி, மங்கலான இருளில் அதே ஒதுக்குப்புறமான அந்த‌ இட‌த்தில் மீண்டும் ஏதொ முன‌கிய‌வாறு கிட‌க்கிறாள் ம‌ணிமொழி! அய்யோ என‌ அல‌றிய‌வாரே அவ‌ளை அள்ளித் தூக்கிக்கொன்டு முன் அறை‌க்கு விரை‌ந்தார் சுசி, அன‌ல் க‌க்கும் இரு கோப‌ விழிக‌ள் த‌னை வெறியோடு முறைப்ப‌தை உண‌‌ராது!
அயர்ந்த குழந்தையை படுக்கையிலிட்டு தனது தோளிலிருந்து சரிந்து விழுந்த அவள் தளிர்க்கரத்தை கையைலெடுத்து இதழ்பதிக்கிறார், அப்போது அந்தக்கையின் மனிக்கட்டுக்கு சற்று மேலே ஏதோ ஒரு காயத்தின் வடு சிவந்து தெரிய அதைக்கூர்ந்து கவனிக்கிறார், ஏறக்குரைய 50 சென் அகலத்தில் சமசீரற்ற வட்ட வடிவமாய், ஆழ சிவந்து சிறு சிரு துளையிட்டதைப்போல அந்த வட்ட வடு, கையினைத் தவிர்த்து கழுத்து, முதுகு, தோள்பட்டை, கை கால்கள் என அவள் உடலின் பல பாகங்களிலும் அதே வடுக்கள், அந்த வடுக்களை தீர்க்கமாய் உற்று நோக்குகிறார் சுசி, அவை ஒரு சிறு வாய் கடித்து ஏற்படுத்திய கடித்தடங்கள் என்பதை உண‌ர்ந்த‌ அதிர்ச்சியில்...

10 comments:

Tamilvanan said...

ஆத்மாவுக்கும் ஆவிக்கும் ஒற்றுமை என்ன? வேற்றுமை என்ன?

சிவனேசு said...

வ‌ண‌க்க‌ம் த‌ல‌, என்ன‌ ஒரு அற்புத‌மான கேள்வி!

என் சிற்ற‌றிவுக்கு கிட்டிய‌ சில‌ த‌க‌வ‌ல்க‌ளை கூகுளாண்ட‌வ‌ர் அருளால் இதோ உங்க‌ள் முன்வைக்கிறேன்.

1.ஆத்மா என்றால் உடலுக்குள் இருக்கும் உயிர், பகவத் கீதையில் பகவான் ஸ்ரீ கிருஷ்ணர் அர்ஜுனனைப்பார்த்துச் சொல்கிறார் "அர்ஜுனா! நீயும் நானும் இந்த மண்ணில் பலமுறை பல வடிவங்களில் பிறந்திருக்கிறோம்! அது எனக்குத் தெரியும். உனக்குத் தெரியாது" என்று சொல்லி அர்ஜுனனின் முற்பிறவி பற்றி எடுத்துரைக்கிறார். மேலும் மனிதனின் உடல் தான் இறக்கிறது. ஆத்மா என்ற நமது உணர்வு ஸ்வரூபம் இறப்பதில்லை. அத்தகைய ஆத்மா உடலை விட்டுப் பிரியும் போது தான் வாழ்ந்த பூமியில் தனக்கு சொந்த மானவற்றின் மீது பற்றுதல் கொண்டு மறைந்தாலோ, பிடிக்காத விஷயத்தின் மீது அதீத கோபத்துடன் மறைந்தாலோ அதை அடையும் நோக்கில் ஆவியாக அலைகிறது(உடலை இழந்த ஸ்தூல வடிவில்)

2.ஒரு மனிதனுக்கு விதிக்கப்பட்ட ஆயுளை அவன் அடையாமல் ஏதோ காரணங்களுக்காக அவனுக்கு துர்மரணம் சம்பவித்தால், அவனது 'ஆத்மா' வானுலகம் என்று (பல மதங்களில்) கூறப்படும் இடத்துக்கு போய்ச்சேராமல், அவனுக்கு விதிக்கப்பட்ட ஆயுட்காலம் முடியும்வரை வானவெளியிலேயே அலைந்துகொண்டிருக்கும் என்று வேதங்கள் கூறுகின்றன. அப்போது, அவன் தன் மனிதப்பிறவியில் அனுபவிக்கமுடியாமற்போன பல ஆசைகளை தனக்குள்ள ஒரு விசித்திர ச‌க்தியைக்கொண்டு நிறைவேற்றிக்கொள்ளமுடியும் என்பார்கள். அப்படிப்பட்ட ஆத்மாவானது, ஆவி உருவில் அலையும்போது, அந்த ஆவியை சில "முறைகள்" மூலம் ந‌ம்மிடையே வரவழைத்து அதனுடன் நாம் பேசமுடியும். அதன் பெயர் "ஓஜோ போர்டு" முறை.

இதிலிருந்து அறிய வருவது யாதெனில் ந‌ம‌க்குள் நமது உடலில் வாழும் ஆத்மா, இந்த‌ ச‌ரீர‌த்தைப் பிரிந்த‌ பின்ன‌ர் ஆவி (உட‌ல‌ற்ற‌ ஸ்தூல‌ வ‌டிவ‌‌) நிலையை அடைகிற‌‌து!

எப்ப‌டி சார் ? ஏற்றுக்கொள்வீர்க‌ளா இந்த‌க் க‌ருத்தை ? மாற்றுக்க‌ருத்து இருப்பின் ம‌றைகாது ப‌கிர்ந்து கொள்ள‌வும்‌!

Tamilvanan said...

இந்த சின்ன கேள்விக்கெல்லாமா இவ்வளவு சிரியசா பதில் கொடுப்பீங்க. உண்மையிலே நீங்க ரொம்ப நல்லவங்க.....

சிவனேசு said...

ஆஹா! அப்போ எல்லாம் வெறும் லுல்லுல்லாயியா! சீரியஸ் இல்லையா? நான் தான் உளரிட்டேனா?! இதெல்லாம் ஞாயமா தல ? நான் எவ்ளோ கக்ஷ்டப்பட்டு தகவல் சேகரிச்சு பதில் சொன்னா, இப்டியா சொல்வீக ?, இருந்தாலும் பரவாயில்லே, நம்மை நல்லவிகன்னு பாராட்டிப்புட்டீங்களே!, நனறி, நன்றி! பதிவையும் படிச்சு, பின்னூட்டமும் கொடுத்து அதில பாராட்டும் கொடுக்கிறீங்க பாருங்க! அங்கதான் நீங்க நிற்கிறீங்க! ,உட்காராம! :)))

புனிதா||Punitha said...

:-)

சிவனேசு said...

:-) + :-) = :-))))

குறை ஒன்றும் இல்லை !!! said...

ஆஹா.. யாராச்சும் ஏதாவது அவார்ட் குடுங்கப்பா.. இந்த ஆவி கதய படிக்க பயமா இருக்கு...:)

manokarhan krishnan said...

//ஆத்மா என்றால் உடலுக்குள் இருக்கும் உயிர்//
//அப்படிப்பட்ட ஆத்மாவானது, ஆவி உருவில் அலையும்போது, அந்த ஆவியை சில "முறைகள்" மூலம் ந‌ம்மிடையே வரவழைத்து அதனுடன் நாம் பேசமுடியும். அதன் பெயர் "ஓஜோ போர்டு" முறை.//......

உயிரை உணர்திருக்கின்றீர்களா? ஆத்மாவை ப்ற்றி அழ்காக சொன்னீர். உண்மைதான் மாற்றுக் கருத்திலை, ஆத்மாவை பற்றிய விளக்கத்தை படித்து சொன்னீர்களா உள்ளபூர்வமாக உணர்ந்து சொன்னீர்களா? உயிர் எது? அது எங்கு இருக்கிறது?அதன் செய்ல் என்ன? உயிரின் பதிவுகள் என்ன? உயிரின் இயக்க சக்தி என்ன? அறிவில் சிறியோன் எனக்கு விளக்கம் தேவை படுகிறது.இருந்தாலும் எனது கேள்வி உங்களின் கருத்துக்கு சிறிய தூண்டுகோலாய் இருக்கும் என்பதலே வினா எழுப்பி இருக்கின்றேன் விஞ்ஞான பூர்வமாக
உங்களின் அறிவான பதிலை நல்ல பதிவாய் தாருஙகள் பலர் பயன் பெறுவார்கள்

சிவனேசு said...

manokarhan krishnan
வணக்கம் நண்பரே! வாழ்க்கைப்பாடசாலையில் பாலர்பள்ளி நிலையிலேயே நிறகும் அடியேனிடம் வாழ்வின் அந்தராத்மாவைப் பற்றிய மிக முக்கிய கேள்விகளை கேட்டுள்ளீர்கள்! தங்கள் கேள்விகளுக்கான பதில்களின் தேடல்களில் தற்போது தொலைந்து போயிருக்கிறேன் நான்! கூடிய விரைவில தங்கள் கேள்விகளுக்கு பதிவாக பதில் சொல்ல முயற்சிக்கிறேன்!

Paul Murugan said...

“சீனியர் கிட்டவே உங்க வேலைய காட்டுறீங்களா?”